SASOLBURG GEMEENTE

'n Gereformeerde Kerk in Suid Afrika

 

Webmeester: Gert Duvenage

SASOLBURG GEMEENTE

'n Gereformeerde Kerk in Suid Afrika

 

Evangelisering

DIE VERHAAL VAN ONS GEMEENTE

 

Lank lank gelede het God dit so beskik dat hier by ons steenkool gevorm is deur organiese materiaal wat saamgepers is.  Sowat 60 jaar gelede het die mense begin om petrol en ander chemiese produkte, bv was, uit hierdie steenkool te vervaardig.  Uit verskillende lande het wetenskaplikes en ambagsmanne hierheen gekom om ‘n aanleg te bou en ‘n nuwe dorp te vorm.  Baie van hulle was gelowiges en daar het gou gemeentes ontstaan - ook ons gemeente wat nou reeds 55 jaar oud is. Ons bedien dus mense wat veral in chemiese bedrywe en laboratoriums werk.  Daar is ook ‘n paar onderwysers, sakemanne en fabrikante.

 

Ons het verskillende tye van groei en krimp beleef.  Tans is ons wat getalle betref in ‘n krimp-fase. Ons glo egter dat ons geestelik in ‘n groei-fase is waarin ons “Op pad met Jesus” probeer om elke dag beter te verstaan wat Hy vir ons wil wys en leer as sy gemeente. Die gemeente het ontstaan uit mense wat reeds glo.  Die gemeente moet nou groei deur mense wat hulle tot die Here bekeer.  Dit sal gebeur as ons die genade van God bly verkondig.

 

Hierdie genade van God beskryf ons graag met ‘n beeld uit ons eie omgewing: “Al was ons van sonde so swart soos steenkool, ons sal wit word soos was.” (Vgl Jesaja 1:18)

 

Jy is welkom om een van ons eredienste of bybelstudie groepe se byeenkomste by te woon en meer van hierdie genade van God te hoor.